كلمة تشجيع بقلم الكاتبة : سارة سمير

  • الأربعاء ٢٤ / فبراير / ٢٠٢١
  • عدد التعليقات : 1

كلمة تشجيع فيبدو إن الإنسان مهما وصل إلى أقصى نجاحاته و إنجازاته فإنه يحتاج دائماً إلي كل كلمة تشجيع.

الحياه "رحله" في الرحله بنكون محتاجين تشجيع، رحله فيها كل التفاصيل.. الوقوع والنهوض، الفشل والنجاح، يأس تكرار المحاولات و فرحة نجاح أول خطوة.

بنكون في اللحظات محتاجين لناس بتعرف تشجع، مؤمنة بينا حتى لو العالم كله مش مؤمن بينا ولا بإنجازتنا.

ناس بتعرف تحتوي لحظات ضعفنا فنظهر بكامل قوانا قدام الناس و بكل ضعفنا قدامهم لانهم بيعرفوا بيستوعبوا فشلنا و يأسنا و إحباطتنا من تكرار المحاولات.

في الحقيقة التشجيع زي السحر، تأثيره قوي حتي لو كنت وصلت لأقصى مراحل ضعفك و يأسك.. قرأت في يوم قصة كانت عن "حصان وقع في حفره و كانت عميقة جداً ، كان مستحيل يخرج منها وناس كتير بدأت تيجي عند الحفره و بدأوا بصوت عالي يقولوا إن خلاص دي نهايته و صعب جداً يعيش، الحصان أفتكر إنهم بيشجعوه إنه يخرج منها و إنه قادر يعملها. فبدأ إنه ينزل كل التراب من الجوانب و يبقي تحته فبدأ يترفع لفوق بالتراب اللي تحت رجله و قدر يخرج منها سليم ومُعافى".

كلماتك التشجيعية مؤثرة جدا.. فكن أنت الشخص المؤمن بوجود فُرص لشخص فقد شغفه في تكرار محاولاته وأخبره بها كل يوم

اترك تعليقك على الخبر