بحب كل الناس حتى اللى ناسينى بقلم : المستشار سيد حسن الإدريسي

  • الأربعاء ٢٨ / ديسمبر / ٢٠١٦
بحب كل الناس حتى اللى ناسينى    بقلم : المستشار سيد حسن الإدريسي

بحب كل الناس حتى اللى ناسينى

بحب اهل الطيبه والاصل من دينى

بحب واحلم بعيشه من غير ما تاذينى

او لقمه حلوة من الجوع تكفينى

او لمة الاهل والاحباب اللى بتحيينى

بحب لون سمارك اللى بيشجينى

وصوت الاذان فى فجرك بيكفينى

ونهرك الدافىء بيجرى فى شرايينى

بحبك وانتى منى وانتى نور عينى

وشواطىء بحرك اللى بتسحر محبينك

ولا صعيدك نبت من ارضك ومن طينك

ووجهك البحرى بيحكى فى مواويللك

ووجوه مليحه بتكتب فى دواوينك

بحبك لانى منك وعايزك تحبينى

تدينى لحظة امل احس بحنينك

يا مصر انتى الامل والغد جاى ليكى

ومهما تاسى على حضنك بيحيبنى